Belge: 1018-142
Esaret hayatını Hindistan Bellary’de geçiren Yarbay Mehmet Fikri Bey’in, ailesiyle ilgili müjdeli haberler ulaştıran Kızılay’a 1919’da yazdığı teşekkür mektubudur.
Belgeyi Dinleyin
Bihî
Bellary 15 Ağustos (1)335
Osmanlı Hilâl-i Ahmer Cem‘iyeti Üserâ Şu‘besi Müdüriyeti Cânib-i Vâlâsına
Muhterem Efendim Hazretleri,
Efrâd-ı âilemle mahdûm bendenizin haber-i sıhhatlerini mübeşşir 25 Haziran (1)335 târih ve 34379 numerolu mektûbunuz vâsıl-ı dest-i tekrîm oldu. Bu bâbda zât-ı vâlâlarına karşı arz-ı şükrânı bir vecîbe addeder ve bu mektûbumun aynen mahdûmuma irsâliyle kendisinin de bizzât bir mektûb göndermesi hususuna tekrar delâlet-i vâlâlarını ricâ ve dört buçuk seneden beri hayât ve memâtlarından ma‘lûmat alamadığım âile ve mahdûmumun sıhhat haberlerinin tebşîrâtına müsâra‘at gösteren ve bu tebşîrâtıyla ihtiyâr kalbimi lebrîz-i şevk ü sürûr eyleyen Hilâl-i Ahmer Cem‘iyet-i muhteremesine de a‘mâk-ı kalbimden kopan en samîmî teşekkürâtımı takdîm ve bu vesîle ile de te’yîd-i ihtirâm eylerim efendim.
Hindistan Bellary Mülkiye Kâimmakâmlarından
6894
Mehmed Fikri